Жемқорлықты қалай жоюға болады? пікір алмасу

Анықтама
         10 «а» сыныбында «Жемқорлықты қалай жоюға болады?» атты  сынып  сабағы   өткізілді. Мақсаты: Оқушыларға сыбайлас жемқорлық туралы білім бере отырып,оның түрлері мен заңдарын   таныстыру. Оқушыларға топтық жұмыс арқылы ынтымақтастыққа, жауапкершілікке тәрбиелеу жолдарын алдым.
Сынып  3 топқа   бөлінді  «Болашақ», «Заң», «Пара»
Тақырыпты ашу мақсатында адасқан әріптер әдісін қолдана отырып, оқушыларға ой қозғау жасалды.. Топтар әріптерді құрай отырып, сабақтың тақырыбы мен мақсатын ашты. Келесі кезекте Топтарға «Жемқорлық деген не?» «Жемқорлық түрлерін атаңыз?» «Сыбайлас жемқорлықтың заңдары»   тапсырмасы берілді. Оқушылар өздерінің ойларын ортаға сала отырып, постерлерін қорғады. Мұғалім білім алушыларға «Сыбайлас жемқорлық қоғам касіреті» атты бейнеролик ұсынды.Бейнероликте   сыбайлас жемқорлықтың салдарынан   қандай әрекеттер болатыны көрсетілді. Сыбайлас жемқорлық– мемлекеттік құрылымдардыңэкономикааясында қылмысты құрылымдармен біте қайнасуы, сондай-ақ мемлекеттегі лауазымды адамдардың, қоғамдық және саяси қайраткерлердің сатылғыштығы, парақорлығы. Өзінің қызметтік мәртебесі мен өкілеттіктерін жеке, топтық және өзге де бейқызметтік мүдделер үшін пайдалану жолымен жеке игіліктерді алу әрекетінен көрініс табады. ҚРҚылмыстық кодексініңөкілеттіктерді теріс пайдалану (228-бап),коммерциялық сатып алу (231-бап), қызмет өкілеттігін теріс пайдалану (307-бап), билікті немесе қызметтік өкілеттікті асыра пайдалану (308-бап), пара алу (311-бап), қылмыстық жалғандық жасау (314-бап) туралы лауазымдық қылмыс нормалары ең алдымен сыбайлас жемқорлыққа қарсы күрес нормалары болып табылатыны туралы айтылды.
Келесі кезекте білім алушыларға «Егер мен болашақта ҚР президенті болсам,сыбайлас жемқорлықпен қалай күресер едім?» атты эссе ұсынылды. Оқушылар өз ойларын нақты, дәлелдермен келтіріп  тапсырмаларды қызуғышылықпен  орындады. «+ , -»  әдісі арқылы оқушылардың  сыбайлас жемқорлық туралы  алған білімдері тексерілді. 
Қорытындылау кезінде:  Президентіміздің алға қойған бастауымен сыбайлас жемқорлықпен күрес жолын  қолдау көрсете отырып, әрқашан адамдық жақсы қасиеттерді сақтау әр бір адамзаттың міндеті екенін айтып өттіік.

                                                              Сынып жетекшісі:       Э. Жаксыбаева