«Сыйлыққа кітап» акциясы

Адамзат баласының қол жеткізген ұлы игіліктерінің бірі – білім қазынасы. Дана халқымыз «Батыр бірді жығады, білімді мыңды жығады» деп бекер айтпаса керек. Кітап білімімізді молайтады, кітаптан көп үлгі-өнеге мен тәрбие аламыз. Кітап оқу – адамға өзіндік әсер етіп, оның адам болып қалыптасуында маңызды рөл атқарады. Кітап оқу мен кітапханаларды қолдау – қоғам дамуының басты міндеттерінің бірі екенін ескере отырып, №5 Ақарал жалпы орта білім беретін мектеп -гимназиясының  кітапханасы қызметкерлері "Оқуға құштар мектеп" жобасы аясында кітап қорын әр саладағы әдебиеттермен, балаларға арналған кітаптармен толықтыру, қазақ әдебиетінің кітаптарын насихаттау, жастарды рухани және патриоттық тәрбиеге баулу, оқырмандарды кітап оқуға тарту мақсатымен «Сыйлыққа кітап» акциясын өткізді. Ақарал ауылының тумасы Жапаркулова Назым Төребекқызы  игі іс-шараға белсене қатыса отырып, мектеп кітапханасына 150 әдеби кітапты сыйға тарту етті. Назым Төребекқызына алғысымызды білдіреміз. «Кітап- білім бұлағы» демекші, кітап оқыған адамның әрдайым рухани байлығы, дүниетанымы кеңейіп, ішкі дүниесі тазарады.