7-11 сыныптар арасында «Кәмелетке толмағандар арасындағы құқық бұзушылықтың алдын алу, бопсалау, нашақорлыққа жол бермеу»

2025 жылдың 17-27 қараша  аралғында  директордың құқықтық ісі жөніндегі орынбасары Ғ.Айтбаев «Заң және тәртіп» құндылығы аясында 7-11 сыныптар арасында «Кәмелетке толмағандар арасындағы құқық бұзушылықтың алдын алу, бопсалау, нашақорлыққа жол бермеу» тақырыбында  факультативтік сабақтар өткізді. Сабақта кәмелетке толмағандар арасындағы қылмыстардың алдын алу мәселелері талқыланды. Әсіресе топтық төбелес, әлімжеттік көрсету, бопсалау фактілеріне жол бермеу, нашақорлыққа және құқыққа қайшы іс-әрекеттерге бармау бағытында түсіндірме жұмыстары жүргізілді. Жасөспірімдер арасында қылмыс фактілерінің көбеюі туралы айтылып, қылмыстық жауапкершілікке тартылу тәртібі түсіндірілді. Сонымен қатар кибербуллинг, буллинг сынды заманауи қауіптердің салдарына тоқталып, кез келген құқық бұзушылықтың заң аясында жауапкершілікке әкелетіні ескертілді.