Қазақ Ұлттық аграрлық зерттеу университетімен ынтымақтастық меморандумы

Жуырда №5 Ақарал жалпы орта білім беретін мектеп-гимназиясы мен  Қазақ Ұлттық аграрлық зерттеу университетімен ынтымақтастық меморандумына қол қойылды

       Қазақ Ұлттық аграрлық зерттеу университетімен меморандум жасалғаннан кейін мектептегі «Ізденіс» оқушылардың ғылыми қоғамы жұмысы жаңа деңгейге көтеріледі. Бұл ынтымақтастық оқушылардың ғылыми-зерттеу жұмыстарына қызығушылығын арттырып, аграрлық, биологиялық, экологиялық бағыттар бойынша терең білім алуға мүмкіндік береді.

Ғылыми қоғам жұмысының бағыттары:

- Ауыл шаруашылығы, экология, биотехнология, азық-түлік қауіпсіздігі салаларында жобалар әзірлеу  

- Университет ғалымдарымен бірлескен зертханалық жұмыстар мен шеберлік сабақтарына қатысу  

- Ғылыми жетекшілермен байланыс орнату арқылы кәсіби бағдар беру  

- Ғылыми конференциялар, семинарлар мен байқауларға қатысу  

- Агроғылыми экскурсиялар мен тәжірибелік сабақтар ұйымдастыру

     Білім алушылардың зерттеушілік дағдыларын қалыптастыру,  ғылымға қызығушылығын арттыру мен  болашақ мамандық таңдауға бағыт беру мақсатындағы бірлескен іс-әрекеттер  арқылы ғылыми жобалар мен құралдарды бірлесіп әзірлеуді қамтитын бірлескен оқу-әдістемелік қызметті іске асыратын боламыз. 

Бұл серіктестік оқушылардың ғылыми әлеуетін дамытуға, ауыл шаруашылығы мен агроөндірістік кешенге қызығушылықты арттыруға үлкен ықпал ететініне сенімдіміз.

Жауапты: директордың ғылыми жұмысы жөніндегі орынбасары Р.Бабижанова, «Ізденіс» ОҒҚ жетекшісі Г.Айтбаев