"Кітап-жан азығы" тақырыбында мұғалімдер арасында оқырмандар конференциясы

28.01.2021ж Гимназиямызда қазақ тілі мен әдебиеті, тарих айлығы аясында "100 кітап" жобасы бойынша "Кітап-жан азығы" тақырыбында мұғалімдер арасында оқырмандар конференциясы өтті. Мектеп директоры Н.Койшиманова кітапсүйер ұстаздарға сәттілік тілей отырып, басқа да әріптестерді, білім алушыларды кітап оқуға, адамзаттың мәдени және әлеуметтік өрлеуіне үлес қосқан авторларды құрметтеу, есімдерін ұлықтау мақсатында жобаны жалғастыру керектігін атап айтты. Г.Наушабаева М.Дулатовтың "Бақытсыз Жамал", Г.Айхожаева С.Мұқановтың "Мөлдір махаббат", Г.Садирмекова З.Ахметованың "Шуақты күндер", А.Имангалиева Б.Момышұлының "Ұшқан ұя", Ж.Турабекова С.Сейфуллиннің "Аққудың айырылуы", Ж.Алайдарова Ә.Нұршайықовтың "Мәңгілік махаббат жыры", А.Конурбаев І.Жансүгіровтың "Құлагер", Г.Төлеген Оралхан Бөкейдің "Атаукере", А.Асанкулова С.Жүнісовтың "Жапандағы жалғыз үй", С.Сеитова Ғ.Мүсіреповтың "Ұлпан", Р.Бабижанова Ш.Айтматовтың "Ақ кеме" шығармаларының алар тәрбиелік мәні мен бағалы мазмұнымен бөлісіп, басқа әріптестерін осы шығармаларды оқуға шақырды. Жауапты: қазақ тілі мен әдебиеті пәні мұғалімі Г.Наушабаева мен директордың оқу-әдістемелік жұмысы жөніндегі орынбасары С.Сеитова