"Where I live:Earth’s Oceans" тақырыбында ашық сабақ

"Where I live:Earth’s Oceans" тақырыбына Бабалиева Азиза ашық сабақ өтті. Сабақтың мақсаты – оқушыларға Жердің мұхиттары, олардың ерекшеліктері мен маңыздылығы туралы білім беру болды. Сабақ барысында оқушылар жұптық, жеке және топтық жұмыстарға белсенді қатысты. Жеке жұмыс кезінде әр оқушы мұхиттар туралы қысқаша зерттеу жасап, өз ойларын дәптерге жазды. Жұптық жұмыс барысында оқушылар бір-біріне сұрақтар қойып, жауап берді. Ал топтық жұмыста мұхиттардың экологиялық мәселелері мен оларды шешу жолдары талқыланды. Интерактивті карталар, бейнематериалдар және презентациялар қолданылып, оқушылардың қызығушылығы артты. Сабақ соңында оқушылар алған білімдерін қорытындылап, тапсырмаларды орындады. Ашық сабақ қызықты әрі тиімді өтті.