«Талант – табиғаттан, талап - өзіңнен» Аудан: Меркі «Талант – табиғаттан, талап - өзіңнен» атты Тараз қаласында танымал әрі талантты мүсінші, мектептің түлегі Т.Көлжігітпен кездесу

№ 5 Ақарал жалпы орта білім беретін мектеп - гимназиясында "Дара бала" жобасы аясында "Талант - табиғаттан, талап - өзіңнен" атты мектебіміздің  талантты әрі танымал түлектерімен тығыз байланыс орнату мақсатында атақты мүсінші Көлжігіт Темірхан Туғанбайұлымен 7"А" сынып оқушысы Б. Асқар ағымдағы жылдың 28 - қыркүйек күні сұхбаттасу ниетімен Тараз қаласында болып қайтты. Сурет салуға жаны құмар, мүсін өнеріне қызығушылығы бар жас буын өзінің көкейіндегі сұрақтарын қойып, мүсіншінің өнерін тамашалап, өзіне міндетті қою керектігін түсінді. "Мүсін жасауға шабытты тарих тамырынан, халықтың қамын жеген  батыр ағаларымыздан  аламын ", - деген Темірхан аға жас мүсіншіге көптеген кітаптар оқуға, сонымен қатар, халықтың қамын ойлайтын азамат болуға кеңес берді. Жас буынның талабына сүйсінген Т. Туғанбайұлы өзінің ақ батасын берді және мектептің тарихи - өлкетану музейіне "Шығыс керуені" кіші мүсінін сыйға тартып, болашақта үлкен белестерге жететініне зор сенім білдірді.