Республикалық «Мамандықтар әлемін ашамыз» форумының аудандық кезеңі

№5 Ақарал жалпы орта білім беретін мектеп-гимназиясында маңызды іс-шара қорытындыланды. Оқушылардың кәсіби бағдарын айқындау және шығармашылық әлеуетін арттыру мақсатында өткен Республикалық «Мамандықтар әлемін ашамыз» форумының аудандық кезеңі өз мәресіне жетті.

Форум аясындағы ең тартысты әрі мазмұнды бағыттардың бірі — «Шығармашылық жұмыстар» секциясы болды. Бұл кезеңде білім алушылар өздері таңдаған мамандықтарының қыр-сырын өнер туындылары мен креативті жобалар арқылы шебер қорғап шықты.

 Жеңімпаздарымызды ұлықтаймыз:

Мектеп намысын қорғап, жүлделі орындардан көрінген оқушыларымыз бен олардың жетекшілерін мақтан тұтамыз:

•  ІІ орын: Қосалы Дариға (10-сынып оқушысы) — «Болашақ мамандығы» номинациясы бойынша.

• Жетекшісі: Кәсіптік бағдар беруші педагог (КББП) Д. Увалиева.

•  ІІІ орын: Нурлан Ақжан (9-сынып оқушысы) — «Жас мобилограф» номинациясы бойынша.

• Жетекшісі: КББП Д. Увалиева.

•  ІІІ орын: Медербек Адия — «Біздің отбасымыздағы мамандықтар» номинациясы бойынша.

• Жетекшісі: Тұйғынбаева Ардақ Кемелбековна.

 Мақсатымыз: Оқушылардың кәсіби өзін-өзі анықтауына қолдау көрсету, шығармашылық қабілеттерін дамыту және болашақ кәсібіне деген сүйіспеншілігін ояту.

Жеңімпаздар арнайы дипломдармен марапатталды. Шәкірттеріміздің кәсіби жолдағы алғашқы қадамдарына сәттілік тілейміз! Белестеріңіз биік болсын!