«Akaral podcast» орталығының жас журналисі Нұрмаханбет Раяна Меркі ауданының әкімі Баубеков Жорабек Нұрмергенұлымен сұхбат

28.10.2024 жылы №5 Ақарал жалпы орта білім беретін мектеп-гимназиясының  «Akaral podcast» орталығының жас журналисі  Нұрмаханбет Раяна  Меркі ауданының әкімі Баубеков Жорабек Нұрмергенұлымен сұхбат өткізді. Сұхбаттың мақсаты: ақылды, дарынды жастарымыздың шығармашылық потенциалын жан-жақты өсіру және тәжірибе жинақтау. Сұхбат  барысында жас журналист  аудан әкіміне  мектеп инфрақұрылымын жақсарту, ауылдық жерлерде балалар мен жастар үшін қосымша мүмкіндіктер жасау туралы сұрақтар қойды. Әкім журналистерге өзекті жобалар мен ауданның болашақтағы даму жоспары туралы айтып, білім беру саласындағы жетістіктер мен алда тұрған міндеттерді атап өтті. Сонымен қатар, Жорабек Нұрмергенұлы  оқушыларды қоғамның белсенді мүшелері  болуға шақырып,  жас ұрпақтың рөліне  ерекше мән берді. Сұхбат жастарға жергілікті билікпен диалог құрудың маңыздылығын көрсетіп, олардың азаматтық  ұстанымын қалыптастыруға  ықпал  етті. Сұхбат соңында Баубеков Жорабек Нұрмергенұлы жас журналистерге алғыс айтып, алдағы жоспарларына сәттілік тіледі.