"Ұстазы жақсының - ұстанымы жақсы" атты тақырыпта дойбыдан мектепішілік жарыс

№5 Ақарал ЖОББМГ Тәуелсіздіктің 30 жылдығына орай мұғалімдер мерекесі қарсаңында "Ұстазы жақсының - ұстанымы жақсы" атты тақырыпта  28.09.2021ж  дойбыдан мектепішілік жарыс ұйымдастырылды. Алғаш болып сөз алған мектеп басшысы Н. Койшиманова  жарысқа қатысушыларға сәттілік тілеп, жиылғандарды мерекемен құттықтады. Бір қарағанда, тым жеңіл секілді көрінгенімен, дойбы ойынында да табан астында тапқырлық таныта білуіңіз керек. Бір бұрыс жүріс, бүкіл ойынның "тағдырын  шеше салады". Әр жүрісін аңдысып, тартысқан ойыншылар жарыстың көркін қыздырды.  Жарыс қорытындысы бойынша ерлер арасында жолына кезіккенін жүрісінен жаңылдырған Г. Айтбаев бірінші орынға ие болды. Екінші орынға Б. Айдабосынов табан тіресе, Н. Ермуханов үздік үштікке ілікті. Нәзік жандыларымыз да жеңіс жолында аянып қалмады.  Бұл жарыста Ш. Ермаханбетова алдына ешкім түсе алмай, жеңіс тұғырының бірінші сатысына жайғасса, екінші орын К. Айхожаеваға бұйырды. Үшінші орынды А. Имангалиева қанағат тұтып, жеңіске деген жігері үшін марапатталды.