«Ақылды балаға – ақылшы ата - ана» атты онкүндік аясында 12.11.2018 жылы 1 сыныптар арасында «Бауырлар додасы» тақырыбында жанұялық спорттық жарыс

№5 Ақарал жалпы білім беретін мектеп – гимназиясында «Ақылды балаға – ақылшы ата - ана» атты онкүндік аясында 12.11.2018 жылы  1 сыныптар арасында «Бауырлар додасы» тақырыбында  жанұялық спорттық жарыс өтті. Жарыс 1 сыныптар арасында ұйымдастырылып, 4 отбасы қатысты.  Олар: 1«А» сыныбынан Ахатовтар отбасы және Нығыметовтар отбасы, 1«Ә» сыныбынан Жұбатхановтар отбасы, 1«Б» сыныбынан  Қыдырбековтар отбасы қатысты. Жарыс  бағдарламасы 6 кезеңнен құрылды. Кезеңдер: «Таныстыру», «Шаңғымен жүру», «Кім жылдам», «Кім епті», «Жылулық сыйлайық». 

«Бауырлар додасы» жанұялық сайысы – тәрбиелік маңызы зор шара болды. Осындай тәлімді шараға қатысқан отбасылар өздерінің жан-жақты екенін көрсете білді. Қызықты әрі тартымды өткен жарысқа мектебіміздің дене шынықтыру пәнінің мұғалімдері Ермуханов Н., Айдабосынов Б. және мектебіміздің тәлімгері Усеинова Б. қатысып,  қазылық етті. 

Қатысушы жұптар бағдарламаның барлық кезеңдерінен сүрінбей өтіп, өздерінің ептіліктері мен спорттық шеберліктерін танытты. Тартысты өткен спорттық жарысының нәтижесінде Жұбатхановтар отбасы еш командаға дес бермей бас жүлдеге ие болса, Ахатовтар отбасы І орынға, Қыдырбековтар ІІ орынға, Нығыметовтар ІІІ орынға ие болды. Жоғары деңгейде өткен «Бауырлар додасы» жанұялық спорттық сайысы көрермендерді қызық пен шаттыққа бөлеп, оқушылардың спорттық шараларға, сондай – ақ ынтымақтастыққа, бірлікке деген ықыласын оятты.