«Нұрлы Отанымыз - Тәуелсіз Қазақстан!» тақырыбында 2018 жылдың 10-14 желтоқсан күндері аралығында тарихи-өлкетану музейінде өткізілген экскурсия

        Жаһандану заманында түрлі теріс ағымдардың етегінде жұтылып кетпей, елдігімізді сақтап қалу – үлкен сын. Оның бірден-бір жалғыз жолы – саналы ұрпақ тәрбиелеу. Еліміздің тарихын, мәдениетін, туған өлкеміздің тарихын білу – әрбір азаматтың міндеті. Елбасымыздың «Рухани жаңғыру» кіші бағдарламасы аясында тәрбие және білім жобасы «Өлкетану» базалық бағыты бойынша мектебімізде  ДТЖО Р.Бабижанова мен музей жетекшісі Ф.Асубаеваның  ұйымдастыруымен  «Нұрлы Отанымыз - Тәуелсіз Қазақстан!» тақырыбында 1-4 сынып білім алушылары  тарихи-өлкетану музейіне экскурсия жасады.                                     

      Тәуелсіздік – барлығымыз үшін ерекше қасиетті күн. Бірліктің, ынтымақтастық пен татулықтың күні. Мемлекетіміздің тәуелсіздігі – ең алдымен халқымыздың бақыты.  Сондықтан бүгінгі күні халқымыз өткеннен қалған тарихи өнегені, отансүйгіштікті, ұлтына деген махаббатты жоғалтпай, әрі қарай жастардың патриоттық сезіміне енгізуге ерекше көңіл бөлуі керек. 

      Экскурсия барысында білім алушылар Қазақ хандығынан бастау алып, Қазақстанның тәуелсіздік шежіресімен, ауыл, аудан, облысқа еңбегі сіңген ерлер, білім саласындағы ұлы Отан мен ауған соғысы ардагерлері  тарихымен танысып, олардың елге жасаған қызметтерінен мәлімет алды. "Өткенді білмей, болашақты болжау мүмкін емес” деген қанатты сөзді ұстана отырып, білім алушыларымыз музейде таным-түсініктерін молайтып, білім көкжиектерін кеңейтті. Халқымыздың, өлкеміздің өткен тарихына деген қызығушылықтары артып, мұндай игі істердің жалғасын табуын қалайтындықтарын жеткізді.