1-11 сынып оқушылары арасында «Тәуелсіздік – елімнің ерлік жолы» тақырыбында тарихи сағаттар

2025 жылдың 15 желтоқсан күні №5 Ақарал жалпы орта білім беретін мектеп-гимназиясында Қазақстан Республикасының Тәуелсіздік күніне орай 1-11 сынып оқушылары арасында «Тәуелсіздік – елімнің ерлік жолы» тақырыбында тарихи сағаттар өткізілді.

Мақсаты – оқушыларға Тәуелсіз Қазақстанның қалыптасу тарихын таныту, Желтоқсан оқиғасының маңызын түсіндіру, ұлттық рухты көтеру, отансүйгіштік сезімді қалыптастыру. 

Сынып жетекшілерінің ұйымдастыруымен өткен тарихи сағаттарда оқушылар еліміздің егемендікке жету жолындағы тарихи оқиғалар туралы мәлімет алды. Тақырыпқа сай бейнематериалдар көрсетіліп, өлеңдер оқылып, эссе және шығармалар ұсынылды. Желтоқсан оқиғасына қатысқан батырлар мен ел қорғаған ерлердің ерлігі баяндалды.