«ДОСБОЛLIKE» жобасы аясында «Буллингтен қорған!» тақырыбында мектеп оқушыларына арналған тәрбие сағаттары

№5 Ақарал жалпы орта білім беретін мектеп-гимназиясында «ДОСБОЛLIKE» жобасы аясында «Буллингтен қорған!» тақырыбында мектеп оқушыларына арналған тәрбие сағаттары өткізілді. Іс-шараның мақсаты – білім алушыларға буллингтің алдын алу жолдарын түсіндіру, достыққа, сыйластыққа, бір-біріне қолдау көрсетуге тәрбиелеу және қауіпсіз орта қалыптастыру.

Тәрбие сағаттары барысында оқушыларға буллинг ұғымы, оның түрлері мен зияны туралы ақпарат беріліп, жағдаяттық тапсырмалар, пікірталастар және тренинг элементтері ұйымдастырылды. Сонымен қатар, қиын жағдайда кімнен көмек сұрау керектігі түсіндірілді.

Шара соңында оқушылар мейірімділік, өзара құрмет пен достық қарым-қатынастың маңызын түсініп, буллингке қарсы тұру мәдениетін қалыптастыруға бағыт алды.