"Рухани жаңғыру" бағдарламасы аясында "Ұлы Даланың жеті қыры" шеңберінде "Ақарал ауылы-еңбегімен қанаттанған азаматтардың құт мекені" атты кездесу кеші

"Рухани жаңғыру" бағдарламасы аясында "Ұлы Даланың жеті қыры" шеңберінде 2020 жылдың 15 қаңтар күні мектептің мәжіліс залында білім алушыларға туған жерге қызмет жасай білуге тәрбиелеу, кәсіпкерлікке баулу мақсатында ауылымызға еңбегі сіңген өнегелі істер жасаған қайраткер аға-апаларын үлгі тұта отырып, "Ақарал ауылы-еңбегімен қанаттанған азаматтардың құт мекені" атты кездесу кеші ұйымдастырылды. Ақарал ауылының қазіргі әкімі О.Жантайбеков, мекеме басшысы Н.Койшиманова алғы сөздерінде ауыл тарихы туралы айтса, еңбек ардагерлері мен ақсақалдар, кәсібін дөңгелеткен беделді азаматтар Өмір жолдары туралы тұшымды ойларын ортаға салды. Бүгінгі күнге дейін тарихы мол Ақарал ауылының Қызыл Октябрь совхозынан бастау алған, ауылшаруашылығының құруы мен жеке кәсіпкерліктің дамуын тарқата айта отырып, жасөспірімдерді еңбекқорлыққа шақырған өнегелі кеш болды.