"Қазақстан балалары-күзгі интерактив" атты онлайн сұхбат

11.11.2020 ж №5 Ақарал жалпы білім беретін мектеп -гимназиясында күзгі демалыс "Қазақстан балалары-күзгі интерактив" іс шара жоспарына сәйкес "Кітаптар әлемінде" тақырыбы бойынша Жамбыл облысы, Меркі ауданының тумасы Казақстан жазушылар одағының мүшесі, "Меркі ақиқат" газетінің хаттар бөлімінің меңгерушісі Мейiркүл Әбжанқызымен кездесу өткізілді. Кездесу барысында қазақ тілі мен әдебиеті пәнінің мұғалімі Қанатова Айғаным ақынмен сұхбат жүргізді. Ақын өмірбаянына қысқаша шолу жасап, өз еңбектері туралы, оқушыларға бiлiм нәрiмен сусындататын кітаптың пайдасы туралы ақпарат берді. Әлеуметтік желі арқылы онлайн байланысқа шыққан мектеп оқушыларының сауалдарына жауап қайтарды. Жаңадан жарық көрген, сиясы кеппеген "Сағыныш" кітабына толығырақ тоқталып, ақындық жолдың теңіздей тұңғиық , тамыры тереңде жатқанын баяндады. Шығармасына арқау болған "Мектепке арналған" өлеңін паш етті.