5–8, 10-сыныптарда «Қазақ тілі» пәні бойынша білім алушыларды аралық аттестаттауды ұйымдастыруға арналған әдістемелік ұсынымдарды түсіндіру және талқылау мақсатында ақпараттық-сессия

2026 жылдың 26 наурыз күні  5–8, 10-сыныптарда «Қазақ тілі» пәні бойынша білім алушыларды аралық аттестаттауды ұйымдастыруға арналған әдістемелік ұсынымдарды түсіндіру және талқылау мақсатында ақпараттық-сессия өткізілді.

Сессия барысында аралық аттестаттаудың мазмұны, құрылымы және бағалау жүйесіне қойылатын талаптар қарастырылды. Атап айтқанда, білім алушылардың тыңдалым, айтылым, оқылым, жазылым дағдыларын кешенді бағалау мәселесіне ерекше назар аударылды.

Мұғалімдерге аттестаттау тапсырмаларын құрастыру барысында оқу бағдарламасына сәйкестік, тапсырмалардың қолжетімділігі мен саралануы, сондай-ақ білім алушылардың функционалдық сауаттылығын дамытуға бағытталуы қажеттілігі түсіндірілді.

Бағалау барысында дескрипторлар мен критерийлерді тиімді пайдалану, объективтілік пен ашықтық қағидаттарын сақтау қажеттігі атап өтілді.