Президент шыршасына барғаннан кейінгі менің әсерім

Жаңа жыл мерекесі – әлемдегі қуанышқа толы ғажайып мерекелердің бірі. Ертегіге сенбесек те, бәріміз Жаңа жылдан жаңа ғажайып,  бір сиқырды күтіп, бақыт тілейтініміз тағы бар.  Маған 2018 жылдың 24 желтоқсан күні Тараз қаласында өткен Президент шыршасына қатысу мәртебесі бұйырған екен.  Ішімдегі сезімімді сөзбен айтып жеткізу мүмкін емес. Шыршада бәрі керемет болды, балалардың көңілдерінде  қуаныш, көздерінен бақыттың нұры көрініп тұрды. Осыдан мен Елбасымыздың әрбір істеген ісінен, сөйлеген сөзінен бізге деген қамқорылығы мен махаббаты шексіз екенін білдім. Қазақ халқының атын әлемге танытып, асқақтатқан тұлға – өз елінің патриоты, қайсар мінезді абзал жан -  Елбасымыз  аман болуына шын жүректен тілектеспін. Мен, Арайқызы Гүлім, осындай жасампаз елде туып, өсіп жатқаныма дән ризамын .Біздің Президентіміз табысты оқуға, бәсекеге қабілетті білім алуымызға  барлық жағдай жасап отыр, сондықтан біз  жас ұрпақ сенімді ақтауымыз керек.   

                                                         6 ә сынып білім алушысы Арайқызы Гүлім