«Даналық мектебі» ұлттық құндылықтар форумы

Эксперименталды алаң бағдарламасы аясында «Akaral podcast» орталығының жас журналисі Нұрмаханбет Раяна «Даналық мектебі» ұлттық құндылықтар форумына келген қонақтармен сұхбат ұйымдастырды. Жас журналист қазақ халқының мәдениеті мен дәстүрлерін насихаттау мақсатында ұлттық құндылықтарды таныту мен сақтаудың маңыздылығы туралы сұхбат алды. Іс-шара барысында әжелер, аталар, жеңгелер, ағалардың қатысуымен ұлттық қолөнер, салт-дәстүрлер және т.б. тақырыптар бойынша арнайы дәрістер мен семинарлар ұйымдастырды. Бұл форум жастардың тарихи санасын қалыптастыруға, ұлттың мәдени мұрасын қадірлеуге және сақтауға бағытталған маңызды қадам болып табылды. Ұйымдастырушылар: эксперименталды алаң мүшелері.