"Ұлы Жеңіс ұрпақ есінде" атты мерекелік іс - шара

9 - мамыр батырлардың даңқты рухын ардақтап, Отанға адал қызмет етуді айқындайтын айтулы күн. #5 Ақарал жалпы орта білім беретін мектеп - гимназиясында "Ұлы Жеңіс ұрпақ есінде" атты мерекелік іс - шара өткізілді. Мекеме басшысы Н. Койшиманова соғыс жылдары майдангерлердің иығына аса ауыр жүк түсіп, Отаны, елі үшін от болып жанып, қаншама боздақтар ұрыс даласынан қайтпай қалғаны туралы, бүгінгі бейбіт аспан астында өмір сүріп жатқанымыз ардагерлер ерлігі арқасында екенін айтты. Мерекелік іс - шара барысында тақырыпты ән мен би, өлең шумақтарына ұласқан болса, "Жас ұлан","Жас қыран " балалар бірлестігінің мүшелері 1941-1945 жылдардағы Ұлы Отан соғысы желісі бойынша көрініс қойып, қан майданда соғысқан ардақтылар есімдерін ешқашан ұмытпай, баршаны лайықты құрмет көрсетуге шақырды. "Ұлы Жеңіс - ұрпаққа аманат" демекші, біздің аталарымыздың есімдері тарихта алтын әріппен жазылып, жадында мәңгі сақталмақ!