"Тәуелсіздік ұландары" салтанатты жиыны

Қазақстан Республикасының Білім және ғылым министрлігінің тұжырымдамасы негізінде санитарлық талаптарды сақтай отырып, 2021 жылдың 25 - мамыр күні #5 Ақарал жалпы орта білім беретін мектеп - гимназиясында "Тәуелсіздік ұландары" салтанатты жиыны өткізілді. Биылғы жылғы жиынға 32 мектеп мақтаныштары, болашақ әртүрлі мамандық иелері, бәсекеге қабілетті тұлғалар, "Алтын белгі" мен "Үздік аттестат" үміткерлер мен 20 жыл бұрын мектепті бітірген түлектер қатысты.
Мектеп директоры Н. Койшиманова 2020-2021 оқу жылының жетістіктерін атап, білім айдынында ақ желкен кемелерімен армандарына қарай келе жатқан бітіруші түлектерге бүгінгі күн жаңа өмір баспалдағына жолдама берілетін күн екенін айтты. Салтанатты жиын барысында мектеп түлектері А. Қадырбек, Ж. Лесбекова, Б. Төлеген, Ж. Қазбек пен Е. Оспан тақырыпты әндерін мұғалім мен алтын ұя мектебіне арнаған болса, "Жас ұлан" балалар бірлестігінің белсенділері патриоттық флешмоб орындады. Қазақстан Республикасы Тәуелсіздігінің 30 жылдығының 30 үздік оқушының ең белсендісі 10 а сынып білім алушы А. Асқарға мекеме басшысы дәстүрлі ауыспалы кубогын табыстады. 11 сынып білім алушылары Ұ. Жұман, А. Жұбатханов, Е. Секен, З. Қыдырбекова мерекелік құттықтауларын айтып, жүрек жарды өлеңдерін көпшілікке тарту етті. Жиын соңында салтанатты қоңырау соғу құрметіне мектеп түлектері мен 1 - сынып үздік білім алушыларына тапсырылды. Ұстаздар мен ата - аналар 11 сынып білім алушыларға үлкен өмірге аттаған қадамдары мен талаптарына сәт сапар тіледі.