«Музей сабақтары» жобасы аясында “Музейдегі бір күнім” тақырыбында сыныптан тыс іс-шара

Ағымдағы жылдың 7 желтоқсан күні Тәуелсіздігіміздің 30 жылдығына орай, тәрбие жоспарына сәйкес 7 сынып білім алушыларға мектебіміздің тарих пәнінің мұғалімдері Ғ. Қасымов, А. Джадраев, Б. Смайылдың және Меркі аудандық тарихи-өлкетану музейімен бірлесе отырып «Музей сабақтары» жобасы аясында “Музейдегі бір күнім” тақырыбында сыныптан тыс іс-шара өткізілді. Танымдық сабақ барысында музей қызметкерлеріне А. Асқар, А. Ахатұлы, А. Қылшабай, Е. Шарип оқушыларымыз мектеп музейіне экскурсия жүргізіп таныстырды. Меркі аудандық тарихи-өлкетану музейінің қызметкерлері П. Жұмабекова, Б. Әлмаханова, Д. Сахов аудандық музей қорындағы саба, торсық, жез құмған, мыс құмған, ағаштан жасалған бұйымдарды, музейге сыйға берілген құнды жәдігерлерімен білім алушыларға таныстырып, өз кезегінде білім алушыларымыз таныстырылған жәдігерлерге байланысты өзекті сұрақтар қойып толыққанды жауап ала біліп білімдерін жетілдірді.