«Балдәурен» жазғы сауықтыру алаңының ашылуы

N5 Ақарал ЖОББМГ-да  оқушылардың жазғы демалысын сапалы өткізу мақсатында «Алтын балалық шақ» декадасы аясында 3 маусым күні мектеп жағындағы  «Балдәурен» жазғы сауықтыру алаңының ашылуы мектеп ауласында өткізілді. Алаңға мектептің 1-5 сынып оқушылары және алаң қызметкерлері мен құрметті қонақтар мен ата-аналар қатысты. Салтанатты жиын мемлекеттік Әнұранмен ашылып, мерекемен мектеп директоры Н.Конкабаев құттықтап, бүлдіршіндерді алаңға белсене қатысуларын, бос уақыттарын тиімді пайдалану жолдарын атап өтті. Салтанатты жиында балалардың сүйікті кейіпкерлері, ойындар, сыйлықтар беріліп, ән-би билетілді. Оқушылармен қызықты әсерде  қалатындай ойындар ұйымдастырылды. Алаң жетекшісі А.Асанкулова балаларды топқа бөліп, «Әрқашан күн сөнбесін!» тақырынбында асфальтқа суреттер салғызды.  Ең үздік салған топқа бағалы сыйлықтар ұйымдастырып, үлестіріп берді. Жиында «Қазақ болып туғаныма мақтанамын», «Қуыршақтар» әндері орындалып, «Детство», "Көгершіндер "биі орындалды. Оқушыларды топ жетекшілері және тәлімгерлері белгіленген кабинеттеріне апарып, күн тәртіптерімен таныстырып, кітапхана, мектеп психологтары және медбике топтарымен таныстырды. Жиын соңында бүлдіршіндерге балмұздақтар таратылды.

    Мектеп жанындағы "Балдәурен" жазғы лагерінде ыңғайлы асхана, ойын бөлмелері мен ойын-сауық алаңдары қарастырылған.