22 Наурыз мейрамы күніне орай "Дәстүрім салтым- қазақы калпым" тақырыбындағы апталығы

№5 Ақарал жалпы білім беретін мектеп-гимназиясында 22 Наурыз мейрамы күніне орай "Дәстүрім салтым- қазақы калпым" тақырыбында апталық жүргізілді. Наурыздың 14-20 күндері мектепте "Армысың, әз Наурыз", "Салт- дәстүрім таусылмайтын байлығым ", "Береке басы-Наурыз", "Ұмыт қалған ұлттық киімдер" атты шығармашылық байқау,  ертеңгілік, сурет көрмесі, сыныптан тыс іс-шаралар мен мерекелік концерттік бағдарламалар қойылды. 20 наурыз күні мектеп аланында өткізілген "Наурыз тойы басталды" атты қорытынды мерекелік кеште 7 а сынып білім алушылардың "Біз  шаншар" рәсімі, 1-9 сыныптардың өнерлі балалардың көңілді ән мен көркем билері көпшіліктің көңілінен шықты. Мектеп әкімшілігі тарапынан апталыққа қатысушыларға алғыс жарияланып, мекеме басшысы Н.Койшиманова жастар бойына халық өнегесін қалыптастыру қажеттілігін айтып, бүкіл ұжымға  жаңа жылда  шығармашылық табыс тіледі.