"Балам, заңнан аттама” тақырыбында кездесу

2025 жылдың 1 желтоқсан күні №5 Ақарал  жалпы орта білім беретін мектеп-гимназиясында  "Балам, заңнан аттама” тақырыбында кездесу өткізілді. Кездесуге Меркі аудандық полиция бөлімінің ЖПҚ ЮПТ аға инспекторы, полиция майоры, мектеп инспекторы Тупеков Еркебулан Аяпбергенович  қатысты. 

Іс-шараның негізгі мақсаты – оқушылардың құқықтық сауаттылығын арттыру, құқық бұзушылық пен әлімжеттіктің алдын алу, сондай-ақ жеке жауапкершілік пен адамгершілік құндылықтарды қалыптастыру болды. Кездесу барысында полиция майоры Еркебулан Аяпбергенович оқушыларға қылмыс ұғымы, оның түрлері және заң алдындағы жауапкершілік туралы түсіндіріп өтті. Ол атап өткендей, кейбір қылмыс түрлері үшін қылмыстық жауапкершілік 14 жастан бастап тағайындалады. Сондықтан әрбір жасөспірім өз іс-әрекетінің салдарын түсініп, заңды бұзбауы тиіс екені айтылды. Сонымен қатар, әлімжеттік (буллинг) мәселесіне ерекше назар аударылды. Бұл — өзге оқушыларға күш көрсету, мазақтау, қорқыту, қысым жасау сияқты әрекеттер екенін, мұндай іс-әрекеттер де құқық бұзушылыққа жататынын және ол үшін тәртіптік немесе әкімшілік жауапкершілік қарастырылатыны түсіндірілді.