Қазақстан Республикасының мәдениет қайраткері, әнші, сазгер Бәбіжан Бағлан Жолдасқызымен «Өнермен өрілген өмір» атты сыр-сұхбат кеші

«Ұлы даланың жеті қыры» бағдарламасы аясында 2020 жылдың 20 желтоқсан күні №5 Ақарал жалпы білім беретін мектеп-гимназиясының директоры Н. Койшиманованың жетекшілігімен «Дәстүр және ғұрып» жобасы негізінде мектебіміздің түлегі Қазақстан Республикасының мәдениет қайраткері, әнші, сазгер Бәбіжан Бағлан Жолдасқызымен «Өнермен өрілген өмір» атты сыр-сұхбат кеші өткізілді. Мектептегі санитарлық талаптарды сақтай отырып, кездесуде 3-10 сынып білім алушылары жерлес әншінің шығармашылығымен танысып, үлгі тұтарлықтай тұлғадан үлгі-өнеге алып қана қоймай, сондай дәрежеде болуға ұмтылу көзделді. Әншілік пен сазгерлік қабілетін қатар алып жүрген, «Меркі өңіріндегі ән фольклоры», «Қазақтың жүз қара өлеңі» кітаптарының авторы Б.Бәбіжан кеш соңында жасөспірімдерді кітапқа деген сүйіспеншілігін, талмас еңбек, патриоттық рух пен туған тіліне, Отанға деген сезімдерін алға қойып отыруға шақырды.