"Қазақ даласының патриоты - Қажымұқан балуан" тақырыбында ашық сабақтар

Жамбыл облысы әкімдігінінің білім басқармасының 13.05.2021 жылғы #03-2664 хатына сәйкес, Меркі ауданының білім бөлімінің 18.05.2021жылғы #620 хаты негізінде ағымдағы жылдың 21 мамыр күні #5 Ақарал жалпы орта білім беретін мектеп - гимназиясында 1-10 сынып білім алушыларымен "Қазақ даласының патриоты - Қажымұқан балуан" тақырыбында ашық сабақтар өткізілді. Қазақ халқының тарихындағы тұңғыш кәсіпқой балуан - тұтас ғұмырын күрес өнеріне арнап, ұланғайыр жері мен өршіл халқын бірінші болып өзге жұртқа паш еткен, мойнына алтын, күміс медальдарды тұңғыш ілген Қажы Мұқан бабамыз туралы мәліметті оқушылар өз бетінше және сынып жетекшілер тарапынан ақпараттық түсіндіру жұмыстары арқылы алды. Егер өз заманында тәуелсіз елдің азаматы болғанда, Мұқан Мұңайтпасұлы деген шын есімі әлемдік спорт тарихында алтын әріптермен жазылар еді. Өмірінің 55 жылын күрес пен цирк өнеріне арнап, 50 шақты медальдің иесі болған, Қажымұқан Мұңайтпасов, жеңіс тұғырынан түспеген дара тұлға - қазақтың нағыз хас батыры.