Информатика пәні мұғалімі А.Барменкулов 6а сынып білім алушыларына CLIL технологиясының әдістерін қолдана отырып, «Операциялық жүйенің негізгі функциялары» тақырыбындағы сабағы

      Елбасы «Жаңа әлемдегі Жаңа Қазақстан» атты Қазақстан халқына арнаған Жолдауында «Үштұғырлы тіл» мәдени жобасын ұсынған болатын. Бұл дегеніміз оқу орындарына жаңа міндеттер, жаңа талап, жаңа мақсаттар қойып отыр дегенді түсіндіреді. 2018 жылдың қазан айында  информатика пәні мұғалімі А.Барменкулов  6а сынып білім алушыларына CLIL технологиясының әдістерін қолдана отырып, «Операциялық жүйенің негізгі функциялары» тақырыбында сабақ өткізді. Мұғалім «Мозаика» әдісі бойынша сурет қиындыларын таңдау арқылы үш топқа «Linux», «Windows», «Apple»  бөліп,   көшбасшыларын тағайындады. Сабақ негізгі бөлігінде «Таза тақта», «ДЖИГСО» әдістері арқылы білім алушылар топтық жұмыстар мен тапсырмаларды орындады. Оқушылар жұптық жұмысты орындау барысында бос ұяшықтарды толтырып, үш тілде термин сөздерді жазды. Сабақ соңында оқушыларға тақырып төңірегінде қаншалықты өзінің түсінгеніне, жаңа өтілген тақырып бойынша өз тұжырымдамасына, пікіріне рефлексия жасай отырып, өзінің алдағы білімін және тәжірибесін байланыстырып, нақты түсінік табуына мүмкіндік беріліп, кері   байланыс  жасалды.

CLIL технологиясының әдістерін қолданып өткен сабақтың  мақсаты – өмірден өз орнын таңдай алатын, кез келген ортаға тез бейімделетін, білімі мен білігін көрсете алатын, көптілді құзіреттіліктерді игерген  жеке тұлға қалыптастыру болып табылады.