№19 және №30 мектептерімен бірлескен «PISA халықаралық зерттеулер тапсырмаларын Google forms платформасы арқылы енгізу жолдары» атты іс - тәжірибе алмасу ашық алаңы

2023 жылдың 10 наурызында №5 Ақарал жалпы орта білім беретін мектеп-гимназиясында серіктес №19 және №30 мектептерімен бірлескен  «PISA халықаралық зерттеулер тапсырмаларын Google forms платформасы арқылы енгізу жолдары» атты іс - тәжірибе алмасу ашық алаңы өткізілді. Аталған іс - шара директордың ғылыми - әдістемелік ісі жөніндегі орынбасары Р.Бабижанова 2021-2025 жылдарға арналған «Білімді ұлт» сапалы білім беру» ұлттық жобасын бекіту туралы Қазақстан Республикасы Үкіметінің 2021 жылғы 12 қазандағы № 726 қаулысының 2-міндетіне сәйкес халықаралық зерттеулерге дайындық жұмыстары күн тәртібінен түспейтін мәселе екенін айтты. "Мектептерге арналған PISA зерттеушінің ерекшеліктері: мазмұны мен өзектілігі" тақырыбында #19 мектеп директордың оқу ісі жөніндегі орынбасары Ж.Сейділдаева іс-тәжірибесімен бөлісіп ақпараттық дайджест жүргізді.

#5 Ақарал жалпы орта білім беретін мектеп- гимназиясының  информатика пәні мұғалімі Э.Жаксыбаева халықаралық зерттеу тапсырмаларын  Google формада жасаудың қаншалықты тиімді екенін, оқушылар жұмысының нәтижесін оңай алуға болатынын, әсіресе жаратылыстану бағытындағы пәндерге ортақ тапсырмалар қорын жасауға ыңғайлы екенін түсіндіріп, жасау жолдарымен таныстырды. Серіктес №19 Сыпатай Әлібекұлы атындағы  және  №30 Байсейіт Жылкелдин атындағы жалпы орта білім беретін мектептерінің  PISA, TIMSS, PIRLS зерттеулеріне дайындық жұмыстарын жүргізетін мұғалімдер  қатысып,  4-10 сынып білім алушыларға арналған  PIRLS зерттеуінің мәтіндерін Google формада жасап ұсынуға болатыны түсіндірілді. А.Асанкулова мен Э.Жаксыбаева пән мұғалімдеріне тапсырмаларды Google формада жасаудың әр қадамын көрсетіп қана қоймай, басқа да интернет платформаларын қолдануды көрсетті.  

Қатысқан пән мұғалімдері  ноутбукпен тест құрастырып өзара іс-тәжірибе алмасты. Іс-шара соңында  барлық қатысушылар Padlet тақтасы арқылы кері байланыс жасады.