«Цифрлық трансформация жағдайында мұғалімнің кәсіби құзыреттілігін дамыту» тақырыбында №6,№19,№30 жалпы орта білім беретін серіктес мектептер арасында пікірсайыс турнирі

07.04.2026ж  №5 Ақарал жалпы орта білім беретін мектеп-гимназиясында  «Цифрлық трансформация  жағдайында мұғалімнің кәсіби құзыреттілігін дамыту» тақырыбында №6,№19,№30 жалпы орта білім беретін серіктес мектептер арасында пікірсайыс турнирі ұйымдастырылды.Іс-шараның мақсаты – педагогтердің цифрлық технологиялар туралы көзқарасын қалыптастыру, сыни ойлау қабілеттерін дамыту және өз пікірін еркін, дәлелді түрде жеткізе білу дағдыларын жетілдіру болды.

Пікірсайыс барысында қатысушылар екі топқа бөлініп, «Тұлға қалыптастыру: тәрбие ме, әлде білім бе?» және «Жасанды интеллект: мұғалім үшін жаңа мүмкіндік пе, әлде кәсіби қауіп пе?» бағыттары бойынша өз ұстанымдарын қорғады. Әр команда өз аргументтерін ұсынып, қарсы тарапқа сұрақтар қойып, тақырып аясында белсенді пікір алмасты. Бұл олардың коммуникативтік, аналитикалық және шығармашылық қабілеттерінің дамуына оң әсер етті.

Пікірсайыс соңында қатысушылар бағаланып, белсенді топтар мен үздік спикерлер марапатталды.

Нәтижесінде:

1орын: Б.Жылгелдин  атындағы №30 ЖОББМ

2орын: С.Әлібекұлы атындағы №19 ЖОББМ

3орын: №6 ЖОББМ, №5 Ақарал ЖОББМГ

Ұйымдастырушылар: Д.Байтанаева, Э.Жаксыбаева, М.Бекасилова