"Абайдың қарасөздері - жалпы адамзат баласына ортақ асыл сөз" тақырыбында Абайдың 175 жылдығына орай отбасылық сайысы

ҚР Президенті Қасым-Жомарт Кемелұлы Тоқаев "Абай және ХХІ ғасырдағы Қазақстан" мақаласында "Интеллектуалды ұлт қалыптастыру идеясы Абайдан бастау алады", - деп атап көрсеткендей, жастардың әдебиетке деген құлшынысын арттыруға үлес қосу баршамызға ортақ міндет. Өскелең ұрпақтың Абай әлеміне деген сүйіспеншілігін ояту және сол арқылы келешекте қазақ әдебиетінің дамуына қолдау көрсететін нағыз патриот азаматтарды тәрбиелеу мақсатында 04.02.2020ж N5 Ақарал жалпы білім беретін мектеп-гимназиясында "Абайдың қарасөздері - жалпы адамзат баласына ортақ асыл сөз" тақырыбында Абайдың 175 жылдығына орай  отбасылық сайыс өтті. Сайысқа 10-сыныптың 8 білім алушылары ата-аналарымен қатысты. Сайыс ережесі бойынша үйге Абайдың 45 сөзін ата-анасымен бірлесе отырып, түсініп оқуға берілген. Тапсырманың орындалуы қандай деңгейде екенін көру мақсатында 10 сұрақтан тұратын тест алынды. Нәтижесінде Оспановтар әулеті 1-орын, Әліғұловтар, Маратовтар отбасы 2-орын, Аскеновтар, Алауатдиновтар, Бекбергеновтар отбасы 3-орын иеленді. Жауапты: қазақ тілі мен әдебиеті пәні мұғалімдері Г.Наушабаева, З.Дауренбекова