Түнгі студия бағдарламасының жүргізушісі, шығармашыл журналист, бірнеше әннің авторы Ибраим Ұлжан Ерланқызымен «Дара жол» атты сұхбаттасу кеші

2023 жылдың 19 қазан күні мектептің тәрбие жоспарына сәйкес және эксперименталды жоба аясында білім алушылардың бойына ұлттық құндылықтарды дарыту,  еңбекке, мамандыққа баулу мақсатында мектептің түлегі, ауданымыздың мақтанышы, Нұр кз порталының қызметкері, Түнгі студия бағдарламасының жүргізушісі, шығармашыл журналист, бірнеше әннің авторы Ибраим Ұлжан Ерланқызымен «Дара жол» атты сұхбаттасу кеші өткізілді. Кеш барысында Эргашев Ислам ән айтып, 5 сынып қыздары би биледі. Болашақ жас тілшілеріміз де Ұлжан Ерланқызының  әңгімелерін зейін қойып тыңдай отырып, өз кезегінде сұрақтар қойып отырды. Қиындығы мен қызығы қатар жүретін журналист мамандығының сырларымен бөлісіп, өз тәжірибесінен әңгіме өрбітті. Мектепте жүргенде-ақ еңбекқорлығымен көзге түскен Ұлжан Ерланқызы   есте қалар естеліктері мен қызықты сәттері көп-ақ екен. Әрине, бір ғана кездесумен қаншама оқиғаны айтып, әңгімелеу біте салмайды. Өмірлік тәжірибесінде журналистика саласында талмай ізденіп, қарымды еңбек етіп келе жатқан шығармашылық адамымен алдағы уақытта жастарымыз талай кездесу ұйымдастыруды жоспарлады. Сұхбат соңы Ұлжанның керемет әнімен ұласты.  

Жауапты: ДТЖО Л.Абишева, ДҒӘЖО Э.Жақсыбаева, ДБІЖО Д.Байтанаева.