М.Дулати атындағы Тараз өңірлік университеті базасында "Білім берудегі цифрлық коллаборация: өзекті проблемалары және перспективалары" атты Халықаралық педагогикалық оқулары

2024 жылдың 10-11 сәуір күндері М.Дулати атындағы Тараз өңірлік университеті базасында "Білім берудегі цифрлық коллаборация: өзекті проблемалары және перспективалары" атты Халықаралық педагогикалық оқулары өткізілді. 

Жаһандық білім беру кеңістігінде педагогикалық кадрларды  даярлаудың заманауи трендтері және цифрлық коллаборацияның басым бағыттарын айқындау; цифрлық платформалар мен технологияларды пайдаланудың тиімді жолдарын анықтау, инновациялық іс-тәжірибені зерделеу мақсатында ұйымдастырылған ауқымды  Халықаралық педагогикалық оқуларына Ресей Федерациясы, Түркия, Грузия, Қырғызстан, Өзбекстан елдерінен білім сарапшылары қатысты.№5 Ақарал жалпы орта білім беретін мектеп-гимназиясынан 12 пән мұғалімі қатысып,  "Үздік инновациялық жоба" аталымы бойынша директордың ғылыми-әдістемелік жұмысы жөніндегі орынбасары Р.Бабижанова, " Үздік инновациялық көрме" үшін көркем еңбек пәні мұғалімі А.Уалиева, "Үздік инновациялық оқу-әдістемелік құрал"/ 

"Үздік электронды оқу құралы" аталымы бойынша  информатика, ағылшын тілі, бастауыш сынып пен химия пәні мұғалімдері Э.Жаксыбаева, А.Атамкулова, Ш.Ермаханбетова мен Д.Байтанаева, "Үздік шебер-сынып" айдарымен М.Бекасилова өз іс-тәжірибесімен бөлісіп, жүлделі І, ІІ және ІІІ дәрежелі дипломдармен марапатталды. Тәжірибелі ұстаздар іс-шара нәтижесінде цифрлы құзыреттіліктері мен шығармашылық әлеуетін жетілдірді.