"Мектеп пен университет: ғылыми ынтымақтастық қырлары" атты XV Республикалық ғылыми-тәжірибелік конференция аясында 5-11 сынып оқушыларына арналған ғылыми жобалар байқауы

2024 жылдың 29 наурыз күні М.Дулати атындағы Тараз өңірлік университеті базасында "Мектеп пен университет: ғылыми ынтымақтастық қырлары" атты XV  Республикалық ғылыми-тәжірибелік конференция аясында 5-11 сынып оқушыларына арналған ғылыми жобалар байқауына №5 Ақарал жалпы орта білім беретін мектеп-гимназиясынан 27 білім алушы қатысып, оның 15-і  жүлделі І, ІІ, ІІІ орындармен марапатталды. 

Мектеп оқушыларының шығармашылық белсенділігін ынталандыру,  зияткерлік меншік саласындағы білімді насихаттау және тарату, өскелең ұрпаққа патенттік мәдениет негіздерін сіңіру мақсатында өткізілген байқауда мектеп түлегі, 11- сынып білім алушысы Қылшабай Амина Ерсейтқызы Бас жүлдеге ие болып, жоғары оқу  орнына 100% жеңілдікпен Сертификат ұтып, Грант иегері атанды. Мектеп директорының атына Алғыс хат пен Кубок табысталды.