2022-2027 жылдар аралығында үш кезеңмен іске асырылатын тұжырымдама негізінде тәжірибелік эксперимент жұмыстары

25 тамыз  2023 жылы Тараз қаласында  білім саласы қызметкерлерінің  "ӘДІЛЕТТІ ҚАЗАҚСТАН: САПАЛЫ БІЛІМ, АДАЛ ҰРПАҚ, ТАБЫСТЫ ҰЛТ" республикалық тамыз кеңесі өтті. ҚР Оқу-ағарту министрлігінің Білім беру саласындағы сапаны қамтамасыз ету комитеті төрағасының орынбасары М.Мелдебекова, Жамбыл облысының әкімі Н.Нұржігітов, Жамбыл облысы әкімдігінің білім басқармасының басшысы М.Өмірбек пен онлайн тәртібімен ҚР Оқу-ағарту министрі, премьер-министрінің орынбасары, ұлттық құрылтай, Қамқоршылық өкілдері мен сарапшылар қатысты. Мектепке дейінгі, орта, техникалық  және кәсіптік білім беруді дамытудың және  Қазақстан Республикасы балаларының құқықтарын қорғаудың негізгі бағыттарын барынша тиімді және нәтижелі талқылауды қамтамасыз ету мақсатында бірыңғай пленарлық сессияның  Жамбыл облысында өткен панельдік кезеңінде   #5 Ақарал жалпы орта білім беретін мектеп-гимназиясы директоры  Н.Конкабаев "Мектеп-гимназия жағдайында дарынды балалардың шығармашылық потенциалын дамытудың ұйымдастыру - педагогикалық негіздері" тақырыбындағы эксперименталды алаң бағдарламасының 1 жылдық жұмыс барысымен таныстырды.Мектептегі  2022-2027 жылдар аралығында үш кезеңмен іске асырылатын тұжырымдама негізінде тәжірибелік эксперимент жұмыстары, ғылыми-әдістемелік ұсыныстар мен нұсқаулар әзірленетінін айтты.