"Елбасы медалі" ұлттық бағдарламасы аясында

2020 жылы бастау алған жастарды кешенді дамытуға бағытталған "Елбасы медалі" ұлттық  бағдарламасы аясында 2021 жылы 13 қазан күні Жамбыл облысы әкімдігінің білім басқармасы басшысы Б. Жамангозов пен Білім - инновация қорына қарасты Елбасы Медалі жобасы директорының орынбасары Н. Базарбаев облыстан қатысқан 17 жеткіншекті марапаттады. Жамбылдықтар үлесіне тиген 4 күміс, 13 қола медальдарды 14 пен 29 жас аралығындағы жастарға табысталса, оның ішінде Меркі ауданы №5 Ақарал жалпы орта білім беретін мектеп - гимназиясының түлегі, қазіргі таңда  Астана медициналық академиясының І курс студенті, Оспан Елдана Сенбіқызы күміс медаль иегері атанды. Мерейімізді асқақтатқан  Елдананың алар асулары мен шыңдары әлі де биік тұғырдан болатынына кәміл сенімдіміз.