Күзгі демалысқа шығуына байланысты балалардың қауіпсіздігін қамтамасыз ету мақсатында 7-11 сынып білім алушылары арасында түсіндірме жұмыстары

Жамбыл облысы әкімдігінің білім басқармасы Меркі ауданының білім бөлімінің 2025 жылғы 22 қазандағы №1987 хатына сәйкес 2025 жылдың 24 қазан күні №5 Ақарал жалпы орта білім беретін мектебінде білім алушылардың күзгі демалысқа шығуына байланысты балалардың қауіпсіздігін қамтамасыз ету мақсатында 7-11 сынып білім алушылары арасында түсіндірме жұмыстары жүргізілді. Директордың  тәрбие ісі жөніндегі орынбасары М. Бегасилова, директордың құқықтық-тәрбие ісі жөніндегі орынбасары Ғ. Айтбаев, қазақ тілі мен әдебиеті пәнінің мұғалімі  Г. Наушабаева тарапынан  кибербуллинг, буллинг сынды заманауи қауіптердің салдарына тоқталып, кез келген құқық бұзушылықтың заң аясында жауапкершілікке әкелетіні ескертілді. Оқушыларға күндізгі, түнгі мезгілде  бейберекет жүрудің қауіптілігі түсіндірілді. Ақша бопсалау, күш көрсету арқылы әлімжеттік жасау, топтық бұзақылық, ұсақ бұзақылық, ұрлық, қорқытып алу сияқты құқық бұзушылықтардың алдын алу туралы  айтылды. Мұндай заңсыз әрекеттер үшін қолданылатын қылмыстық және әкімшілік жаза түрлері жеткізіліп, олардың салдары нақты түсіндірілді.