Балалар мен жасөспірімдер арасында жол-көлік оқиғасының алдын алуға байланысты өткен онкүндік іс-шарасы

2019 жылдың 1-10 қыркүйек аралығында жол-көлік оқиғасының   алдын алу бойынша  «Жол қозғалысы ережелерін білу-қауіпсіздік негізі» тақырыбында онкүндік  іс-шаралары өткізілуде. Атап айтар болсақ, 3 қыркүйек күні жол көлігі арқылы болатын жарақаттанудың алдын алу және  жол ережесін  меңгеру бойынша мектептің «Жас қыран» жол-қозғалыс жас инспекторлары және аудандық маи қызметкерлері 1-5 бастауыш сыныптарға «Жолда жүру ережесін сақтаймыз!» тақырыбында, көшелерде қауіпсіз мінез-құлыққа қалыптастыру, қауіпті жол өткелдерінде өздерін ұстауға дағдыландыру бойынша  түсіндірме жұмыстарын жүргізді. 

4 қыркүйек күні мектеп медбикесі А. Келіскен және жас санитар көмекшілері Д. Ахатқызы және А. Дүйсебай 1-11 сынып білімгерлеріне  «Зардап шеккен адамға алғашқы дәрігерлік көмек көрсету дағдыларын меңгеру» тақырыбында тәжірибелік  сабақтар көрсетті.

5 қыркүйек күні Меркі АІІБ ЖПҚ ЮПТ бөлімінің аға инспекторы полиция майоры Е. Тупеков     №5 Ақарал орта мектебінде  1-5 сынып оқушылары арасында «Жол көлік жарақаттарының алдын алу» тақырыбында дәріс оқыды.

6 қыркүйек күні бейнелеу пәнінің мұғалімі Ә. Барменқұловтың ұйымдастыруымен  5-7 сынып оқушылар арасында «Балалар өмірін сақтайық!» тақырыбында суреттер байқауы өткізілді. Байқау барысында,  оқушылардың  жолда жүру ережесін сақтау, ережелерді білу,  жол оқиғасын болдырмау қауіпсіздігі жұмыстары ескерілді. Нәтижесінде суреті эстетикалық және тақырыптық жағынан мазмұнды болған, 6-сынып оқушысы Ибраим Нұрайдың суреті үздік деп танылды.