Ағылшын тілі пәні әдістемелік бірлестігінің №1 отырысы

24.08.2022ж  №5 Ақарал ЖОББМГ ағылшын тілі пәні әдістемелік бірлестігінің №1 отырысы болды. ӘБ жетекшісі А.Атамкулова өткен оқу жылына талдау жасап, жаңа оқу жылындағы өзгерістер туралы айтты.  2022-2023 оқу жылында ағылшын тілі пәні бойынша оқытудың ерекшеліктері талданды. Пән бойынша  үлгілік оқу жоспарындағы оқу пәніне байланысты енгізілген өзгеріс 2022ж. 3 тамыздағы №348 бұйрығының 33 тармағына сәйкес білім беру ұйымдарында сыныпты екі топқа бөлу 24 және одан да көп білім алушылар болған кезде ғана жүзеге асырылатыны айтылды. Биылғы оқу жылында 1 - сынып білім алушылары шетел тілін оқымайтыны, 9-11 сынып білім алушыларына қазақтың ақыны, әдебиеттанушы ғалым, публицист, педагог, аудармашы А. Байтұрсынұлының туғанына -150 ж толуына орай ағылшын тілінде эссе жазу ұсынылғаны туралы ақпарат берілді.