“Жеңісті жақындатқан азаматтар” тақырыбында ерлік сабағы

Ағымдағы жылдың сәуір айының 29 жұлдызында “Музейдегі сабақ” жобасы аясында 10 сынып білім алушыларымен Меркі аудандық тарихи-өлкетану музейінде Ұлы Отан соғысына қатысқан аталарымыздың ерліктерін дәріптеу мақсатында “Жеңісті жақындатқан азаматтар” тақырыбында ерлік сабағы өткізілді. Сабақ барысында музейдің қор сақтаушы қызметкері Л. Барақбаева апайымыз ауданымыздан шыққан соғыс ардагерлері Б. Жылкелдин, М. Бүрлібаев аталарымыздың өмірбаяны мен ерліктері жайлы құнды мәліметтер оқыды. Сонымен қатар білім алушыларымыз Ұлы Отан соғысы кезіндегі құжаттармен зерттеу-тәжірибе жұмыстарын жүргізді.