"Бала қауіпсіздігі-басты назарда" тақырыбында ата-аналар жиналысы

2023 жылдың 7  қыркүйек күні №5 Ақарал  жалпы орта  білім беретін мектеп-гимназиясында "Бала қауіпсіздігі-басты назарда"  тақырыбында ата-аналар жиналысы өткізілді. Жиналысқа Меркі ауданының білім бөлімінің әдіскері  Көшербаев Даулет Арстанбекұлы АПБ бастығының орынбасары полиция майоры Қуанышбеков Мадияр Бейсенбекович  Меркі АПБ ӘПБ бастығы Байтемиров Бейбіт,  КПБ полиция капитаны Бигазиев Бекжан Болатұлы, ЖПҚб УПИ полиция майоры Халыков Білімжан Маликович,  ЖПҚб ЮПТ полиция майоры Тупеков Еркебулан Аятбергенович келді.  Жиналыс барысында  құқық қорғау орган қызметкерлері ата – аналарға аудандағы болып жатқан әртүрлі келеңсіз жағдайларды  айта отырып, толық түсіндіру жұмыстары жүргізілді. Ата-аналарға Заң талаптарының орындалуын, оқушылардың құқықтары мен міндеттерін сондай-ақ, оларға күтім жасау және күтіп бағу жөніндегі міндеттерінің орындауларын, ол орындалмаған жағдайда он айлық есептік көрсеткіш мөлшерінде айыппұл салынатынын жеткізді. Кәмелетке толмағандардың түнгі уақытта заңды өкілімен, ата – аналарынсыз  жүруіне сағат 22:00 ден таңғы 06:00  дейін ойын – сауық мекемелерінде немесе тұрғынжайдан тыс жерде жүрмеулерін, кешке кафе, ойын сауық орталықтарында балаларының жұмыс жасамауын айтты.   Оқушылардың сабақтан себепсіз қалуы, яғни ол 10 күннен артық қалған жағдайда айыппұл төленетінін ескертті. Сонымен қатар, кибербуллинг-бопсалау, оқушылардың ұялы телефонды дұрыс пайдалану, мектепке гидроскутер, мопед т.б.  электронды көліктермен келмеулерін, кәмелетке толмаған балаларға рұқсат жоқ екенін және оған хаттама толтырылып, айыппұл салынатынын ескертті. Мұғалімдерге дөрекі сөздер айтып, балағаттаса да әкімшілік айыппұл салынатынын жеткізді.