Педагогикалық әдеп кеңесінің ІІ отырысы

10.11.2022ж.№5 Ақарал жалпы орта білім беретін мектеп - гимназиясында  Г.Наушабаеваның жетекшілігімен педагогикалық әдеп кеңесінің кезекті отырысы өткізілді. Алқалық кеңестің күн тәртібінде:
✓ Педагогикалық тактика және мұғалім мен оқушы арасындағы қарым - қатынас
✓ Жеке фотосуреттер мен бейнелерді көпшілік алдында жариялау кезінде этикалық нормаларды сақтау
✓ Педагогтың кәсіби іс - әрекетіндегі педагогикалық әдеп және сөйлеу мәдениеті қаралды.
Педагогикалық әдеп кеңес барысында жасөспірімдер мен ұстаздардың арасындағы өзара қарым - қатынас жасау мәселесі бойынша ұсыныстар берілді:
-баланың дұрыс емес жасаған іс - әрекетін түсіндіре білу;
-бос сөздермен айқайлай бермеу;
-ішкі жан дүниесіне үңіле білу;
-жылылық таныту;
-қамқор жанның бірі ұстазы екенін сезіндіру;
-келешектің кемелдену тікелей сол балаларға қатысты екенін білдіріп отыру қажеттілігі түсіндірілді.Сонымен қатар, жеке фотосуреттер мен бейнелерді көпшілік алдына жариялау кезінде этикалық нормаларды сақтау басты назарда болуы тиіс екені айтылды.Отырыс соңында педагогикалық әдепті негізгі қағидалары мен педагогтың сөйлеу мәдениеті, дауыс тембрі,  екпіні жайлы панелдік дискуссия жүргізілді.