"Құқық бұзушылық және жауапкершілік" тақырыбында кездесу

17 мамыр күні  №5 Ақарал жалпы орта білім беретін мектеп-гимназиясында кәмелетке жасы толмағандар арасында құқықтық білімдерін жетілдіру,  құқық бұзушылық пен қылмыстың алдын алу  мақсатында мектеп инспекторы, полиция майоры Е. Тупеков және ауыл әкімі Е.Бегасиловтың қатысуымен 9, 10 сынып  білім алушылары арасында "Құқық бұзушылық және жауапкершілік" тақырыбында кездесу өткізілді. Кездесу барысында мектеп директоры Н. Койшиманова  Қазақстан Республикасының Конституциясы, Бала құқығы мен Конвенциясы талаптары мен заңдарына сәйкес әрбір жасөспірім заң талаптарын бұзбай,  заңды аттамай,  тура жолмен жүруі керектігі туралы айтып өтті. Іс-шара   барысында ауыл әкімі Е.Бегасилов қоғамдық жердегі этика, құқықтық мәдениет туралы айтып өтсе,  мектеп инспекторы Е. Тупеков аудандағы құқықбұзушылық статистикасы  туралы мәліметтер беріп, білім алушыларға  заңнамалық-нормалар, құқық бұзушылықтың  түрлері мен заң аясындағы  жауапкершілігі туралы кеңінен түсіндірді.