«Кәмелетке толмағандар арасында жыныстық тиіспеушілік пен ерте жүктіліктің алдын алу» тақырыбында қыздар жиналысы

16.04.2026 жылы №5 Ақарал жалпы орта білім беретін мектеп-гимназиясында «Кәмелетке толмағандар арасында жыныстық тиіспеушілік пен ерте жүктіліктің алдын алу» тақырыбында қыздар жиналысы өткізілді. Іс шараға жұмысшы топ  СӨС дәрігері Х.Ж.Адешова, Меркі көпбейінді аудандық орталық ауруханасының аға акушеркасы  С.Р.Жиембетова, мектеп медбикесіЗ.М.Алиябасова  қатысып, түсіндірме жұмыстарын жүргізді.. Жиналыстың мақсаты –   қыздарға ерте жүктіліктің зияны мен оның алдын алу жолдарын түсіндіру, денсаулыққа жауапкершілікпен қарауға тәрбиелеу.

Іс-шара барысында қыз балаларға ерте жүктіліктің физикалық және психологиялық зардаптары туралы кеңінен ақпарат берілді. Сонымен қатар, жыныстық тәрбие, жеке бас гигиенасы, салауатты өмір салтын ұстану, өз болашағына саналы көзқарас қалыптастыру мәселелері талқыланды. Қыздардың құқықтары мен міндеттері, қауіпсіз мінез-құлық ережелері де түсіндірілді.

Қорытындысында,  қыз балаларға өз денсаулығын сақтау, білім алуға ұмтылу және жауапты шешім қабылдау қажеттігі түсіндірілді.