“Digital AI-Teacher 5 school” жобасы аясында «Білім беруде цифрлық трансформациялау жағдайында педагогтердің тиімді әдістері» тақырыбында шебер педагогтер, зерттеушілер және магистрлердің қатысуымен инновациялық тәжірибе алаңы

№5 Ақарал жалпы орта білім беретін мектеп-гимназиясында шығармашыл топтың жұмысы және “Digital AI-Teacher 5 school” жобасы аясында «Білім беруде цифрлық трансформациялау жағдайында педагогтердің тиімді әдістері» тақырыбында шебер педагогтер, зерттеушілер және магистрлердің қатысуымен инновациялық тәжірибе алаңы ұйымдастырылды.

Іс-шара жоспарына сәйкес тарих пәні мұғалімі, магистр Б. Смайыл «Тарих сабағында оқушылардың сыни ойлауын дамыту әдістері» тақырыбында өз іс-тәжірибесімен бөлісті.

Шеберлік барысында сыни ойлаудың тарих сабағындағы мүмкіндіктері жан-жақты талданып, оны оқу процесінде тиімді қолдану жолдары көрсетілді. Сонымен қатар, интерактивті тапсырмаларды құрастыру және оларды сабақта пайдалану тәсілдері ұсынылды.

Іс-шара барысында ұсынылған әдістердің мұғалімдер мен оқушылар үшін тиімділігі атап өтіліп, білім беру сапасын арттырудағы маңызы ерекше екендігі көрсетілді.