Интернет желісіндегі зиянды ойындар
Құрметті ата – аналар!
Қазіргі таңда интернет желілерінде балалардың денсаулығына зиянның тигізетін ойындар, видеороликтер таратылып жатыр. Телефонмен отырған балаларыңызға жақындап келіп, арқасынан қағып, басынан сипап ол кіммен сөйлесіп отырғанын, қандай ойын ойнап жатқанын, қандай видеороликтерді көріп жатқанын байқау керек. Балаңыздың қандай сайттарды таңдап, ойнап отырған ойындарына көңіл аударуыңыз керек. Олар балаңызды сіз үйретіп жатқан жақсы істерге үйретпейді. Сайттағы ойындардан балалар мейірімді және тілалғыш бала болып өсуінің орнына қатал, арсыз, бұзық бала болып өсуіне әкеп соғады.
Құрметті, ата – аналар, назарларыңызға алыңыздар!
«WhatsApp» әлеуметтік желісінде «Minecraft» (майнкрафт) ойынының «абсолюттік әлеміне» түсу туралы әңгімелеп тұрған кәмелетке толмаған баланың қатысуымен балаларға қауіпті бейнеролик таратылып жатыр.
Аталған ойынның ережесі бойынша балалар алақандарын үш рет соғып, кейін терезеден секіріп кетуі тиіс.
Қазіргі кезде осындай ойынға көптеген балалар мен жасөспірімдер қызығушылық танытып жатыр, осы тектес бейнероликтердің олардың өмірі мен денсаулығына зиян әсер етуі ескеріліп жатыр.
Құрметті, ата – аналар, балаларыңызға ескертіп айтып қойыңыздар! Баларыңыздың денсаулығына зиянын келтіретін ойындарды ойнамауын қадағалаңыздар!
Мектеп психологы: Р.Молдобекова