Сәуле Мешітбайқызы мектеп ұстаздарымен және өзін өзі басқару ұйымының мүшелерімен тағылымды кездесу

"Рухани жаңғыру" бағдарламасы аясында, Тәуелсіздіктің 30 жылдығына орай 30 қараша күні «Qazaqstan dauiri» қоғамдық-саяси газетінің Бас директоры, ҚР еңбек сіңірген қайраткері, ҚР Журналистер одағының мүшесі, «ЕлАна» қоғамдық-әлеуметтік, танымдық-ақпараттық сайтының жетекшісі, қаламын татулықтың сиясына батырған Сәуле Мешітбайқызы мектепке  келіп, мектеп ұстаздарымен және өзін өзі басқару ұйымының мүшелерімен тағылымды кездесу өткізді. Қазақстандық патриотизмнің қалыптасуы мен мәдениетінің дамуына, жетім балалар, тұрмыс деңгейі төмен және көп балалы отбасылар, көші-қон мәселелері, мәдени, тарихи ескерткіштердің сақталуы, мемлекеттік тілдің дамуы сияқты көптеген мәселелердің шешілуіне зор үлес қосып жүрген қоғам қайраткері, бірегей, жан- жақты тұлға Сәуле Мешітбайқызы басылымның орны мен рөлі, елдегі жағдай туралы әңгімеледі. Білім алушылар көкейіндегі сұрақтарды қойып, ұстаздар қауымы алғыстарын білдірді. Сәуле Мешітбайқызының әрбір сөзі, ісі білім алушыларға және ұстаздар қауымына мотивация берді.  Кездесу барысында мектебімізде  ашылған музейдегі мұрағаттарды таныстырған білім алушылар Асқар Азиза, Қылшабай Амина, Ахатұлы Айдын және Шәріп Ерасылға дән ризашылығын білдірді. Тағылымды кездесу 10 сынып білім алушысы Өсер Дананың "Көңіл толқыны", "Сексен ер" күйлерімен ұласып, кездесу соңында Ел Анасы Сәуле Мешітбайқызымен естелікке суретке түсті.